- २९ श्रावण २०८३, शुक्रबार / Aug 14, 2026
काभ्रेपलाञ्चोक, १ असोज । सिन्धुली कारागारबाट गत २५ गते भएको आगजनी र तोडफोडपश्चात् फरार भएका ४७१ कैदीमध्ये २५४ जना फर्किएका छन्। बाँकी कैदीहरूको खोजी कार्य जारी रहेको जिल्ला प्रहरी कार्यालय सिन्धुलीका प्रमुख लालध्वज सुवेदीले जानकारी दिएका छन्।
उनका अनुसार धेरैजसो कैदी आफैं उपस्थित भएका छन् भने केहीलाई सुरक्षाकर्मीहरूले पक्राउ गरी कारागारमा ल्याएका हुन्। फरारमध्ये २ जनालाई काभ्रे प्रहरीले नियन्त्रणमा लिएको छ। साथै, बर्दिबास, खुर्कोट र सिन्धुलीका विभिन्न स्थानबाट समेत कैदीहरूलाई नियन्त्रणमा लिइएको छ।
फर्किएका कैदीहरूमध्ये धेरैले परिस्थिति असामान्य भएकै कारण कारागार छाड्न बाध्य भएको बताएका छन्। कारागार प्रशासनका अनुसार व्यवस्थापनलाई पुनः सामान्य अवस्थामा ल्याउने, बाँकी फरार कैदीलाई खोजी गर्ने र भविष्यमा यस्ता घटना नदोहरिने उपाय खोज्ने कार्यलाई प्राथमिकतामा राखिएको छ।
