- २४ भाद्र २०८३, बुधबार / Sep 9, 2026
काठमाडाैं, ६ असार । सरकारले आगामी आर्थिक वर्ष २०८२/८३ को बजेटमार्फत उखु किसानलाई दिँदै आएको प्रतिक्विन्टल ७० रुपैयाँको अनुदान कटौती गरेपछि किसानहरू आक्रोशित बनेका छन्।
अनुदान कटौतीले उखु उत्पादन लागत उठाउन नसक्ने स्थिति बनाएको र किसानहरू उखु खेती छाड्ने मनस्थितिमा पुगेका छन्। यसले चिनी उद्योग पनि संकटमा पर्ने देखिएको छ, किनभने देशभरका करिब एक लाख किसान परिवार र हजारौँ मजदुर यिनै उद्योगमा आश्रित छन्।
चालु आर्थिक वर्षको अनुदानसमेत अझै वितरण नभएको, र कृषिमा बजेट अभाव तथा मन्त्रालयबीचको समन्वयहीनताले समस्या झन् जटिल बनाएको किसानको गुनासो छ।
किसान संघर्ष समितिले सरकारलाई चेतावनी दिँदै असार १० गते सर्लाहीमा देशभरका किसान प्रतिनिधिको भेला गरी आन्दोलनको कार्यक्रम घोषणा गर्ने तयारी गरेको छ।
