‘टिप हिरो २०१८’ कि सुनिता दनुवारको निधन

काठमाडौं । शक्ति समूहकी संस्थापक सुनिता दनुवारको आकस्मिक निधन भएको छ । मानव बेचबिखनविरुद्धकी अभियन्ता दनुवारको ४७ वर्षको उमेरमा सोमबार निधन भएको हो ।

राति खाना खाएर सुतेकी दनुवार विहान ५ बजे ओछ्यानमै मृत अवस्थामा भेटिएकी थिइन्। श्रीमान उठेर पसल जानुअघि सुनितालाई उठाउन खोज्दा नबोलेपछि अस्पताल पुर्‍याउँदा मृत घोषणा गरिएको हो ।

सुनिताका श्रीमान र एक छोरी छन् । आफै मानव बेचबिखनबाट पीडित उनी अहिले मानव बेचबिखनविरुद्धको अभियानमा सक्रिय थिइन् । दनुवार अमेरिकी विदेश मन्त्रालयबाट २०१८ को ‘टिप हिरो’ को रूपमासमेत सम्मानित भएकी थिइन् ।