रोग लागेपछि लटरम्म फलेका सुन्तला हेरेर किसान चिन्तित

तनहुँ । देवघाट गाउँपालिका–३ का सुन्तला बगैचामा लटरम्म फल लागेका सुन्तलामा रोग लागेको छ । आम्दानीको मुख्य स्रोत नै सुन्तलामा रोग लागेपछि किसान चिन्तित भएका छन् । जरा कुहिने र बोक्रा सुक्दै जाने तथा बेमौसममा पहेँलो भएर झर्ने रोग सुन्तलामा लागेको किसानको भनाइ छ ।

रोगको अनुसन्धान गरी निदान पहिल्याउन स्थानीय सरकारले सघाउनुपर्ने उनको माग छ । सुन्तला बेचेर घरखर्च टार्ने र घरव्यवहार मिलाउने आफ्ना योजना भताभुङ्ग भएको अधिकाँस किसानको दुखेसो छ ।

लुङग्रिङ, छिपछिपे, छापस्वाँरा, दगरामा उत्पादित सुन्तला स्थानीय तहमा मात्र नभई काठमाडौँ उपत्यकामा पनि खपत हुने गरेको छ । गत वर्ष लुङग्रिङ गाउँबाट रु तीन करोडभन्दा बढीको सुन्तला उत्पादन भएको कृषि ज्ञान केन्द्रले जनाएको छ ।