भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

काठमाडौं । जेनजी समूहले गत भदौ २३ र २४ गते गरेको प्रदर्शन हिंसात्मक बनेपछि परिचालन गरिएको सेना ब्यारेक फर्किएको छ, सैनिक जनसम्पर्क तथा सूचना निर्देशनालयका अनुसार जेनजी आन्दोलनले अराजक रूप लिएपछि ६२ वटा कारागार र ४१ महत्वपूर्ण संरचनाको सुरक्षामा २४ हजार सैनिक प्रत्यक्ष रूपमा खटाइएको थियो ।

सेनाले भने अझै पनि सम्भावित सुरक्षा चुनौतीलाई ध्यानमा राख्दै २१ स्थानमा फौज तैनाथ रहेको जनाएको छ, प्रदर्शनको पहिलो दिन भदौ २३ गते १९ जनाको मृत्यु भएपछि आन्दोलनले उग्र रूप लिँदै आगजनी, तोडफोड र लुटपाटका घटना सुरु हुन थालेका थिए, जसपछि भदौ २४ गतेदेखि नेपाली सेना देशभर परिचालन गरिएको थियो ।

सेनाका कमान्डमा नेपाल प्रहरी, सशस्त्र प्रहरी र राष्ट्रिय अनुसन्धान विभाग (गुप्तचर) सम्मिलित संयुक्त सुरक्षा फौज करिब सात घण्टाभित्रै अवस्थालाई नियन्त्रणमा लिन सफल भएको थियो । नेपाली सेनाका उपरथी तथा युद्धकार्य विभागका महानिर्देशक अनुपजङ्ग थापाले स्थिति सामान्य बन्दै गएपछि ४१ स्थानमा तैनाथ सेना पुरानै ब्यारेकमा फर्किएको जानकारी दिए ।

सेनाले देशभर ४८४ स्थानमा भएका हिंसात्मक प्रदर्शनमा ७६ जनाको मृत्यु भएको जनाएको छ, जसमध्ये २२ जना प्रदर्शनकारी, तीन जना प्रहरी, १० जना कैदीबन्दी र ४१ जना अन्य व्यक्तिको मृत्यु भएको उल्लेख गरिएको छ ।