भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

भारत, १७ भाद्र । भारतको पञ्जाब राज्यमा गएको एक महिनाभित्रै करिब १३०० गाउँ बाढीले डुबाएको छ। भारतीय सञ्चारमाध्यमका अनुसार १ अगष्टदेखि १ सेप्टेम्बरसम्म राज्यका कयौँ क्षेत्रमा लगातार भएको भारी वर्षापछि बाढी आएको हो।

यस विपत्तिबाट २ लाख ५० हजारभन्दा बढी मानिस प्रत्यक्ष प्रभावित भएका छन् भने कम्तीमा ३० जनाले ज्यान गुमाएका छन्।राज्य सरकारले यो दशककै गम्भीर प्राकृतिक विपत्ति भएको भन्दै सतर्कता अपनाउन आग्रह गरेको छ।

सतलुज, ब्यास र रावी नदीका किनारका बस्तीहरू अत्यधिक प्रभावित भएका छन्। अमृतसर जिल्ला सबैभन्दा बढी प्रभावित बनेको छ जहाँ करिब ३५ हजार मानिस विस्थापित भएका छन्।

बाढीको बढ्दो खतरालाई ध्यानमा राख्दै चण्डीगढसहित विभिन्न सहरका विद्यालय बन्द गरिएको छ। अधिकारीका अनुसार गत महिना यस क्षेत्रमा २५३.७ मिलिमिटर वर्षा मापन गरिएको छ, जुन पछिल्लो २५ वर्षयताकै सबैभन्दा बढी हो।