एजेन्सी । अमेरिकासँगको व्यापार सम्झौता अनिश्चित बनेपछि भारतले नयाँ बजारको खोजीलाई तीव्र बनाएको छ । कडा अमेरिकी शुल्कको असर कम गर्न भारतले आक्रामक रूपमा वैकल्पिक व्यापार सम्झौताहरू खोज्न थालेको हो ।

अमेरिकी राष्ट्रपति डोनाल्ड ट्रम्पको प्रशासनले ५० प्रतिशतसम्म कर बढाएपछि गएको अगस्टमा दुई देशबीचको व्यापारिक सम्बन्ध चिसिएको थियो । यसले रोजगारी गुम्ने जोखिम बढाउनुका साथै उत्पादन र निर्यातको प्रमुख केन्द्र बन्ने भारतको दीर्घकालीन लक्ष्यमा समेत असर परेको छ ।

यस परिस्थितिपछि भारत आफ्नो सबैभन्दा ठूलो बजार अमेरिकाबाहिर पनि नयाँ सम्भावनाहरूको खोजीमा जुटेको छ ।

नयाँदिल्लीस्थित ग्लोबल ट्रेड रिसर्च इनिसिएटिभका अजय श्रीवास्तवका अनुसार भारतले बेलायतसँग व्यापार सम्झौता गरिसकेको छ भने युरोपेली सङ्घ (ईयू), युरेसियन इकोनोमिक युनियन, मेक्सिको, जर्मनी, चिली तथा दक्षिण अमेरिकी मर्कोसुर व्यापार समूहसँग नयाँ सम्झौता गर्ने वा विद्यमान सम्झौता विस्तार गर्ने प्रक्रियामा काम गरिरहेको छ ।

श्रीवास्तवको भनाइ उद्धृत गर्दै समाचार संस्था एएफपीले भारतले निर्यात बजार विविधीकरण गरेर अमेरिकी शुल्कको प्रभाव न्यून पार्ने रणनीतिमा अघि बढिरहेको जनाएको छ ।

एजेन्सी । अमेरिकी राष्ट्रपति डोनाल्ड ट्रम्प र जापानका प्रधानमन्त्री सानार्ई ताकाइची बीच व्यापार र दुर्लभ खनिजसम्बन्धी महत्त्वपूर्ण सम्झौतामा हस्ताक्षर भएको छ।

ट्रम्पको जापान भ्रमणको क्रममा भएको भेट र सम्झौतालाई ताकाइचीका लागि प्रारम्भिक कूटनीतिक परीक्षा मानिएको बीबीसीले उल्लेख गरेको छ। भेटपछि दुवै नेताले दुई देशबीचको सम्बन्धलाई ‘सुनौलो युगमा प्रवेश गरेको’ घोषणा गरेका छन्।

सम्झौताअनुसार, जापानबाट अमेरिकातर्फ हुने निर्यातमा १५ प्रतिशत शुल्क लागू हुनेछ। यो पहिलेदेखि सहमति भए पनि आज मात्र अन्तिम रूप दिइएको हो।

भेटका क्रममा ट्रम्पले सन् १९७७ देखि १९८३ बीच उत्तर कोरियाद्वारा अपहरण गरिएका जापानी नागरिकका परिवारसँग पनि भेट गर्नुभएको थियो। जापान भ्रमणपछि राष्ट्रपति ट्रम्प दक्षिण कोरियातर्फ प्रस्थान गर्नुहुनेछ, जहाँ उहाँको भेट चीनका राष्ट्रपति सी जिनपिङसँग तय गरिएको छ।

मुख्य बुँदा

दश वर्षपछि पहिलो पटक हिमाल आरोहण शुल्क बढाइयो।

विदेशीका लागि सगरमाथा आरोहण शुल्क वसन्तमा १५ हजार, शरदमा ७५००, शिशिर/वर्षामा ३७५० डलर।

नेपालीका लागि वसन्तमा १.५ लाख, शरदमा ७५ हजार, अन्य याममा ३५ हजार रुपैयाँ।

सगरमाथाबाहेक ८ हजार मिटरमाथिका हिमालमा ३ हजार, १५०० र ७५० डलर कायम।

सात हजार मिटरभन्दा मुनि पनि शुल्क दोब्बरभन्दा बढी बढाइयो।

नयाँ शुल्क सोमबारदेखि लागू, २०१५ पछि पहिलो संशोधन।

काठमाडौं, १७ भाद्र । पर्यटन विभागले सगरमाथासहित विभिन्न हिमाल आरोहण शुल्क दश वर्षपछि बढाएको छ। विभागका निर्देशक हिमाल गौतमका अनुसार ‘पर्वतारोहणसम्बन्धी छैटौँ संशोधन नियमावली, २०५९’ अनुसार सोमबारदेखि नयाँ शुल्क लागू भएको हो।

सन् २०१५ जनवरी १ पछि स्थिर रहेको शुल्कलाई बढाइएपछि अब विदेशी आरोहीले वसन्त ऋतुमा सगरमाथा दक्षिणपूर्वी मार्गबाट आरोहण गर्न १५ हजार अमेरिकी डलर बुझाउनुपर्नेछ। त्यस्तै शरद ऋतुमा ७५०० डलर र शिशिर तथा वर्षा ऋतुमा ३७५० डलर लाग्नेछ। हालसम्म शरदमा ५५०० डलर र शिशिर/वर्षामा २५०० डलर मात्र लिइँदै आएको थियो।

सगरमाथाको अन्य मार्गबाट आरोहण गर्दा वसन्तमा १० हजार डलर, शरदमा ५ हजार डलर र शिशिर/वर्षामा २५०० डलर तोकिएको छ।नेपाली आरोहीका लागि सगरमाथा आरोहण शुल्क वसन्तमा १ लाख ५० हजार रुपैयाँ, शरदमा ७५ हजार र अन्य याममा ३५ हजार कायम गरिएको छ।

सगरमाथाबाहेकका ८ हजार मिटरभन्दा माथिका अन्य हिमालमा विदेशीलाई वसन्तमा ३ हजार, शरदमा १५०० र अन्य याममा ७५० डलर शुल्क निर्धारण गरिएको छ। यस्तै सात हजार ५०१ देखि ८ हजार मिटर उचाइसम्मका लागि क्रमशः १०००, ५०० र २५० डलर लाग्नेछ।७००० देखि ७५०० मिटर उचाइसम्मका हिमाल आरोहणमा ८००, ४०० र २०० डलर तोकिएको छ भने ६५०१ देखि ६९९९ मिटरका लागि ५००, २५० र २०० डलर लाग्नेछ।

६५०० मिटरभन्दा तलका हिमाल आरोहणका लागि शुल्क ३५०, १७५ र १८५ डलर पुगेको छ। यसअघि यो दर २५०, १२५ र ७० डलर मात्र थियो। विभागका अनुसार नयाँ शुल्क संरचना राजस्व वृद्धिसँगै हिमाल आरोहणलाई व्यवस्थित गर्ने उद्देश्यले ल्याइएको हो।