काठमाडौं, १९ फागुन । अमेरिकाले मध्यपूर्वका विभिन्न देशमा रहेका आफ्ना नागरिकलाई जतिसक्दो छिटो सुरक्षित रूपमा बाहिरिन आग्रह गरेको छ ।

अमेरिकी विदेश मन्त्रालयले सम्भावित आक्रमणको जोखिम बढेकाले क्षेत्र छोड्न आफ्ना नागरिकलाई सल्लाह दिएको हो । यस चेतावनीमा वेष्ट बैंक, गाजा, जोर्डन, बहराइन, मिस्र, इरान, इराक, इजरायल, कुवेत, लेबनान, ओमन, कतार, साउदी अरब, सीरिया, संयुक्त अरब इमिरेट्स र यमन रहेका छन् ।

इजरायल र अमेरिकाले इरानमाथि सैन्य आक्रमण सुरु गरेपछि क्षेत्रीय तनाव चर्किएको छ । त्यसपछि इरानले पनि इजरायल र खाडी क्षेत्रमा रहेका अमेरिकी सैन्य आधारहरू लक्षित गरी मिसाइल तथा ड्रोन आक्रमण जारी राखेको अन्तर्राष्ट्रिय सञ्चारमाध्यमहरूले जनाएका छन् । 

साउदी अरबको रियादस्थित अमेरिकी दूतावास क्षेत्रमा ड्रोन आक्रमण भएको विवरणसमेत सार्वजनिक भएको छ । क्षेत्रीय सुरक्षा अवस्था जटिल बन्दै गएपछि अमेरिकाले आफ्ना नागरिकलाई उच्च सतर्कता अपनाउन आग्रह गरेको छ ।

मुख्य बुँदा 

६ हजारभन्दा बढी विदेशी विद्यार्थीको भिसा रद्द

करिब ४ हजार भिसा कानून उल्लंघनका कारण रद्द

२००–३ सय भिसा आतंकवादसँग सम्बन्धित घटनाका कारण रद्द

धेरैजसो विद्यार्थी लागूपदार्थ, चोरी वा आपराधिक घटनामा संलग्न

ट्रम्प प्रशासनको कडा आप्रवासी नीति अनुसार कारवाही

प्यालेस्टाइन समर्थन प्रदर्शन गर्ने विद्यार्थीमाथि पनि कारवाही

अमेरिका, ३ भाद्र । अमेरिकी विदेश मन्त्रालयले अमेरिकी कानून उल्लंघन गर्ने र निर्धारित अवधिबाट बढी समय बस्ने ६ हजारभन्दा बढी विदेशी विद्यार्थीको भिसा रद्द गरेको छ।

मन्त्रालयका अनुसार यीमध्ये धेरैजसो विद्यार्थी लागूपदार्थ सेवन गरी गाडी चलाउने, चोरी तथा अन्य आपराधिक घटनामा संलग्न रहेको पाइए। अमेरिकी विदेश मन्त्रालयका तथ्याङ्कअनुसार ६ हजार भिसामध्ये करिब ४ हजार भिसा कानून उल्लंघनका कारण रद्द गरिएका छन्।

त्यस्तै, करिब २००–३ सय भिसा आईएनए-थ्रीबी अनुसार आतंकवादसँग सम्बन्धित गतिविधि कारण रद्द गरिएको छ। यो कदम ट्रम्प प्रशासनको कडा आप्रवासी नीतिअन्तर्गत आएको हो, जसअनुसार विदेशी विद्यार्थीहरूसँग पनि कडा व्यवहार गरिएको बीबीसीले उल्लेख गरेको छ।

साथै, ट्रम्प प्रशासनले प्यालेस्टाइनको समर्थनमा प्रदर्शन गर्ने केही विद्यार्थीविरुद्ध कारवाही गरेको छ, जसमा उनीहरूमाथि यहूदीविरोधी व्यवहारको आरोपसमेत थियो।