एजेन्सी । जापानमा बेरोजगारी दर लगातार तेस्रो महिनासम्म २.६ प्रतिशतमै स्थिर रहँदा बेरोजगारहरूको संख्या भने उल्लेख्य रूपमा बढेको छ । आन्तरिक मामिला तथा सञ्चार मन्त्रालयका अनुसार बेरोजगार संख्या १८ लाख ५० हजार पुगेको छ, जुन अघिल्लो महिनाभन्दा २.२ प्रतिशतले वृद्धि भएको हो ।

रोजगारप्राप्त जनसंख्या ६८ लाख ४६ हजार पुगेको मन्त्रालयले जनाएको छ । बेरोजगारमध्ये ४ लाख ६० हजारले अनिच्छापूर्वक जागिर गुमाएका छन्, जसमा गत महिनाबाट ७ प्रतिशत वृद्धि भएको छ।  नयाँ जागिर खोज्ने नागरिकहरूको संख्या पनि बढेर ५० हजार पुगेको छ, जुन ४.२ प्रतिशत वृद्धि हो ।

महिला कामदारको संख्या ३१ लाख ५९ हजार पुगेको छ, जो जनवरी १९५३ पछि सबैभन्दा उच्च स्तर मानिन्छ । स्वास्थ्य, श्रम तथा कल्याण मन्त्रालयका अनुसार, अक्टोबरमा जापानको रोजगार उपलब्धता अनुपात १.१८ रहेको छ । यसको अर्थ, १०० रोजगार खोज्ने व्यक्तिका लागि ११८ रोजगारी अवसर छन् । यो अनुपात जनवरी २०२२ पछि पहिलो पटक १.२० भन्दा तल झरेको हो ।

मन्त्रालयले स्व–चेकआउट प्रणालीको बढ्दो प्रयोग र न्यूनतम तलबमा भएको वृद्धिले रोजगार उपलब्धतामा प्रभाव पारेको बताएको छ ।