भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

काठमाडौं, २९ मंसिर । अष्ट्रेलियाको सिड्नीस्थित बोन्डी बीच नजिक भएको सामूहिक गोलीकाण्डमा एक १० वर्षीया बालिकासहित कम्तीमा १५ जनाको मृत्यु भएको पुष्टि भएको छ । घटनामा करिब ४० जना घाइते भएका छन् र उनीहरूको विभिन्न अस्पतालमा उपचार भइरहेको छ ।

यस घटनालाई अष्ट्रेलियामा पछिल्ला करिब तीन दशकयताकै सबैभन्दा गम्भीर सामूहिक गोलीकाण्डका रूपमा हेरिएको छ । स्थानीय समयअनुसार आइतबार साँझ ६ बजेर ४७ मिनेटमा बोन्डी बीच नजिकैको एक पार्कमा अचानक गोली चलेको थियो । 

प्रहरीका अनुसार मृतकमध्ये एक जना बन्दुकधारी पनि रहेका छन् भने अर्को संदिग्ध आक्रमणकारी गम्भीर घाइते अवस्थामा उपचाररत छन् । गोलीकाण्डमा दुई जना प्रहरी अधिकारीसहित दर्जनौँ सर्वसाधारण घाइते भएको जनाइएको छ ।

घटनाको जानकारी प्राप्त हुनासाथ न्यु साउथ वेल्स प्रहरीले तत्काल व्यापक सुरक्षा अपरेसन सुरु गरेको थियो ।
प्रहरीले सामाजिक सञ्जाल एक्समार्फत बोन्डी बीच आसपास ठूलो स्तरको अपरेसन जारी रहेको जानकारी दिँदै सर्वसाधारणलाई घटनास्थल नजिक नजान आग्रह गरेको छ ।

सार्वजनिक भएका भिडियोहरूमा पुलमाथिबाट दुई जना व्यक्तिले पार्कतर्फ अन्धाधुन्ध गोली प्रहार गरेको देखिन्छ । अष्ट्रेलियन ब्रोडकास्टिङ कर्पोरेसनका अनुसार प्रहरीले ‘एक्टिभ सुटर’को सूचनाका आधारमा अनुसन्धान र कारबाही अघि बढाइरहेको छ ।

स्थानीय सञ्चारमाध्यमका अनुसार गोली चलेपछि सयौँ मानिस समुद्री तट क्षेत्रबाट भाग्दै गरेको दृश्य देखिएको थियो । यसैबीच घाइतेको उपचारका क्रममा सिड्नीका अस्पतालमा रगतको अभाव देखिएको छ ।
लाइफ ब्लड अष्ट्रेलियाले ‘ओ’ नेगेटिभ समूहको रगत आपतकालीन रूपमा आवश्यक भएको जनाउँदै नागरिकलाई रक्तदान गर्न आग्रह गरेको छ ।

घटनाको अनुसन्धान जारी रहेको र मृतक तथा घाइतेको विवरण क्रमशः अद्यावधिक हुने प्रहरीले जनाएको छ ।