- ३० श्रावण २०८३, शनिबार / Aug 15, 2026
काठमाडौं, २७ असार । नेपाली नारीहरूको उत्सव तीज नजिकिँदै गर्दा, सांगीतिक र प्रभावशाली कृति ‘मधु’ सार्वजनिक भएकाे छ । गायिका हरिमाया कार्कीको मौलिक सिर्जनामा तयार भएको गीत हरिमाया कार्की अफिसियल युटुब च्यानलबाट औपचारिक रूपमा सार्वजनिक गरिएको हाे ।
परम्परा र आधुनिकतालाई संगालेर, नारीको भावना, वेदना, उत्सव र प्रेमको मिठास बोकेको ‘मधु’ गीतले यसवर्षको तीजलाई अझ विशेष बनाउने अपेक्षा गरिएको छ। गीतको भिडियो पक्षमा जानकी पुन मगर र समीक्षा सुनारले अभिनयमा जीवन्तता भरिदिएका छन्। दृश्यात्मक सौन्दर्य, सम्वादात्मक हाउभाउ र परम्परागत पहिरनले गीतलाई भावनात्मक गहिराइ दिएको छ।
गीतको कोरियोग्राफीमा चन्द्र ब. मन्दिर मगरको निर्देशन छ भने सह-कोरियोग्राफरमा हेमन्त भुसालले साथ दिएका छन्। गीतको छायांकन, सम्पादन, ग्राफिक्स तथा रंग संयोजन सबै पक्षमा निर्देशक निर्मल प्याकुरेलको रहेकाे छ ।
खेमराज गौतमको संगीत संयोजन रहेको छ भने, गीतको रेकर्डिङ मालश्री स्टुडियोमा सम्पन्न गरिएको हो। आराध्या मिडिया हाउसको व्यवस्थापनमा निर्माण भएको गीतको पोस्ट प्रोडक्सन कृपा एण्ड कृतिका प्रोडक्सन, स्रीनाथ फिल्म्स एण्ड प्रोडक्सन हाउस, र हरिमाया कार्की अफिसियलले संयुक्त रूपमा गरेका हुन्।
भिडियाे हेर्नुहाेस् ..
