- २८ श्रावण २०८३, बिहीबार / Aug 13, 2026
काठमाण्डौ, २० कार्तिक । पछिल्ला सात वर्षमा टेलिकम सेवाप्रदायक कम्पनीको आम्दानी झन्डै २८ प्रतिशतले घटेको छ । नेपाल दूरसञ्चार प्राधिकरणका अनुसार दुई वटा टेलिकम सेवाप्रदायकको आम्दानी आर्थिक वर्ष २०७४र७५ मा ९८ अर्ब ७१ करोड रुपैयाँ आम्दानी गरेकोमा गएको आर्थिक वर्षमा यो ७१ अर्ब २१ करोड रुपैयाँमा सीमित भएको छ । यो निरन्तर ओरालो लागिरहेको छ ।
टेलिकमको घट्दो आम्दानीको असर नाफामा देखिएको छ । नाफा खुम्चिँदा कम्पनीहरूले गर्ने लगानीमा पनि त्यसको असर परेको छ । टेलिकम क्षेत्रका जानकारहरू पछिल्ला वर्षमा आम्दानीको स्रोत बढाउन नसक्दा टेलिकम क्षेत्र सङ्कटोन्मुख भएको दाबी गर्छन् । तत्काल नीतिगत सुधार नगर्ने हो भने यो क्षेत्र समस्यामा पर्ने जानकारहरूको बुझाइ छ ।
आम्दानी र नाफामा देखिएको सङ्कुचनका कारण ‘फाइभजी’ लगायतका पूर्वाधारमा आवश्यक लगानी हुन नसकेको कतिपयको तर्क छ । नेपाल दूरसञ्चार प्राधिकरणका पूर्वअध्यक्ष भेषराज कँडेलले दूरसञ्चार सेवालाई अत्यावश्यक सेवाका रूपमा लिनुपर्ने अवस्था रहेपनि नेपालमा भने विलासितापूर्ण वस्तुमा जस्तै कर लगाइएको बताउनुभयो । रासस
