- २८ आश्विन २०८३, बुधबार / Oct 14, 2026
मुख्य बुँदा
म्यानमारबाट १४ नेपाली उद्धार
थप ११ नेपालीको उद्धार प्रक्रियामा
म्यावडीमा अनलाइन ठगी केन्द्रहरूबाट ३८ नेपाली र २० देशका २ हजारभन्दा बढी विदेशी थाइल्याण्ड पुगे
दूतावासले वैदेशिक रोजगारीमा प्रलोभनमा नपर्न चेतावनी
काठमाण्डौ, २० कार्तिक । विभिन्न प्रलोभनमा म्यानमार पुगेका १४ जना नेपाली उद्धार भएका छन्। उनीहरूलाई म्यानमारस्थित नेपाली दूतावासको पहलमा म्यावडीबाट उद्धार गरी हिजो नेपाल पठाइएको छ।
दूतावासका अनुसार, म्यानमारमा रहेका थप ११ जना नेपालीको उद्धारका लागि पनि चाँडै पहल भइरहेको छ। म्यानमारको म्यावडीमा रहेका विभिन्न अनलाइन ठगी केन्द्रहरूबाट दुई हप्तामा ३८ जना नेपालीसहित विभिन्न २० देशका दुई हजारभन्दा बढी विदेशी थाइल्याण्ड प्रवेश गरेका थिए।
ती ३८ नेपालीलाई पनि नेपाल फर्काउन थाइल्याण्डका सम्बन्धित निकायसँग समन्वय भइरहेको दूतावासले जनाएको छ। साथै दूतावासले सबैलाई श्रम स्वीकृति लिएर मात्र वैदेशिक रोजगारीमा जान र कसैको प्रलोभनमा नपर्न अह्वान गरेको छ।
