थलीको चाँदी कारखानामा भीषण आगलागी, ग्याँस चुहावटबाट ५ लाखको क्षति

काठमाडौँ, १४ साउन । काठमाडौँको कागेश्वरी मनोहरा नगरपालिका–५ थलीस्थित मिलनचोकमा रहेको चाँदीको कारखानामा मंगलबार आगलागी हुँदा करिब ५ लाख रुपैयाँ बराबरको क्षति भएको छ ।

कृष्ण रसाइलीको घरमा सञ्चालनमा रहेको कारखानामा ग्यास चुहावटका कारण आगलागी भएको जिल्ला प्रहरी परिसर काठमाडौँका एसपी अपिल बोहराले जानकारी दिए । उनका अनुसार स्थानीयवासी र सशस्त्र प्रहरीको समन्वयमा आगो नियन्त्रणमा लिइएको हो ।

सौभाग्यवश, मानवीय क्षति भने भएको छैन । क्षतिको विस्तृत विवरण संकलन कार्य भइरहेको प्रहरीले जनाएको छ ।