- १ कार्तिक २०८३, आईतवार / Oct 18, 2026
नगरकोट । आपसी सहयोग केन्द्र (आस्क नेपाल)ले सञ्चालन गरेको शुक्रबारे हाटबजार तरकारी विक्रिको केन्द्र बनेको छ । नगरकोटको केन्द्रमा सञ्चालित शुक्रबारे हाटबजार तरकारी उत्पादनक किसानको दैनिकी र व्यवसायीहरुको किनमेल गर्ने केन्द्र बनेको हो ।
प्रत्यक शुक्रबार लाग्ने हाटबजारमा काभ्रे जिल्लाको मण्डनदेउपुर नगरपालिकाका किसान र चाँगुनारायण नगरपालिकाका किसानले उत्पादन गरेको अर्गानिक उन्मुख तरकारी विक्रि वितरण हुने गरेको छ । तरकारी हाटबजारमा नगरकोटका होटल व्यवसायीहरुले आफूलाई आवश्यक तरकारी खरिद गर्ने गरेका छन् ।
व्यवसायीहरुले तरकारी उत्पादक किसानले उत्पादन गरेको तरकारी खरिद गरिदिनाले किसानलाई राहत पुगेको स्थानीय किसानको भनाई छ । विगतमा बिचौलीयाले दुःख दिएपनि हाटबजार सञ्चान भएपछि बिचौलीयाको अन्त्य भएको छ । हप्तामा एक दिन सञ्चालन हुने तरकारी हाटबजारले आफूहरुलाई निकै राहत पुगेको किसानहरुले बताएका छन् ।
उनीहरुले आस्क नेपालले सुरु गरेको तरकारी हाटबजारमा आउँदा आफूहरुलाई पहिले अप्ठेरो लागेपनि अहिले भने निकै खुशी लाग्ने गरेको बताए । २०८० साउन १९ गतेबाट सुरु भएको शुक्रबारे हाटबजारले सफलतापूर्वक एक वर्ष पुरा गरेको उपलक्ष्यमा भव्य समारोह समेत गरिसेको छ ।
एक वर्षको अवधिमा किसानहरुले आफ्नो बारीमा उत्पादन गरेको तरकारी विक्रि गरेर राम्रै आम्दानी गरेको आस्क नेपाल काभ्रे शाखाले जनाएको छ । आस्क नेपालले सञ्चालन गरेको हाटबजारमा काभ्रे मण्डनदेउपुर नगरपालिका र भक्तपुरको चाँगुनारायण नगरपालिका वडा नं ६ ले सम्वयन्य गरिरहेका छन् ।
