सरकारले काठमाण्डौ महानगरपालिकाको प्रमुख प्रशासकीय अधिकृतमा प्रदीप परियारलाई पठायो

काठमाण्डौ । प्रदीप परियारलाई सरकारले काठमाण्डौ महानगरपालिकाको प्रमुख प्रशासकीय अधिकृतमा पठाउने निर्णय गरेको छ । काठमाण्डौ महानगरका यसअघिका प्रमुख प्रशासकीय अधिकृत वसन्त अधिकारीलाई मधेशी आयोगमा सरुवा गरेपछि उनलाई महानगरको प्रमुख प्रशासकिए अधिकृतमा पठाउने निर्णय गरिएको हो ।

यसअघि स्वास्थ्यको कर्मचारी नियुक्तिमा चलखेल गरेको भन्दै अधिकारी र मेयर बालेन शाहबीच विवाद भएको थियो । अधिकारीको कार्यकक्षमा ताला समेत लगाइएको थियो । त्यसपछि अधिकारी बिदामा बसेका थिए । परियार राष्ट्रिय योजना आयोगका सहसचिवसमेत रहेका छन् ।