- ३० जेष्ठ २०८३, शनिबार / Jun 13, 2026
काठमाण्डौ । भारतीय प्याजको भाउ चीनबाट प्याज आउन थालेपछि सस्तो भएको छ । चीनबाट प्याज आउँन थालेपछि प्याजको मूल्य घटेर ८५ रुपैयाँ पुगेको हो। दुई हप्ता अघिसम्म प्याजको भाउ थोकमै किलोको एकसय ६० रुपैयाँ पुगेको थियो ।
काठमाण्डौमा भारतबाट दैनिक ८० मेट्रिक टन र चीनबाट सात मेट्रिकटनसम्म प्याज भित्रिने गरेको छ । चिनियाँ प्याजको थोक भाउ किलोको ६५ देखि ७० रुपैयाँ छ । मङ्सिरको अन्तिम हप्ता भारतले प्याज निर्यातमा प्रतिबन्ध लगाउने निर्णय गरेसँगै नेपालमा भाउ बढेको थियो ।
त्यसपछि चीनबाट प्याज भित्रिन थालेपछि भाउ सस्तो हुन थालेको जनाइएको छ । भारतीय प्याजको थोक मूल्य किलोको ७५ देखि ८५ रुपैयाँ रहेको काठमाण्डौको कालीमाटी फलफूल तथा तरकारी बजार समितिले जनाएको छ ।
