सोमवारभित्र करको विवरण र कर बुझाउन राजस्व विभागले ताकेता

काठमाण्डौ । सोमवारभित्र करको विवरण र कर बुझाउन राजस्व विभागले ताकेता गरेको छ । आन्तरिक राजस्व विभागले पुस मसान्त सोमबार करको विवरण बुझाउन ताकेता गरेको हो ।

विभागले ठूला करदाता कार्यालय, मध्यमस्तरीय करदाता कार्यालय, सम्बन्धित आन्तरिक राजस्व कार्यालय वा सम्बन्धित करदाता सेवा कार्यालयमा कर र कर विवरण बुझाउन अनुरोध गरेको छ ।

विभागले आर्थिक वर्ष २०८१ र ८२ को कारोबारको अनुमानित करको विवरण र प्रथम किस्ता बापतको कर दाखिला गर्न ताकेता गरेको हो ।

आयकर ऐन अनुसार यस आर्थिक वर्षको कारोबारको अनुमानित करको विवरण र त्यस विवरणअनुसारको तिर्नुपर्ने आयकरको पहिलो किस्ताबापतको ४० प्रतिशतले हुने रकम पुस मसान्तभित्रै तिर्नु पर्ने व्यवस्था रहेको विभागले स्मरण गराएको छ ।