- ६ असार २०८३, शनिबार / Jun 20, 2026
काठमाण्डौ । तातोपानी नाका जोड्ने लिपिङ खोलाको पक्की पुलमा नयाँ बेलिब्रिज राख्ने काम शुरू भएको छ ।
गएको अशोजमा बाढीले बगाएको सिन्धुपाल्चोकको खोलाको दुवैपट्टीको भागमा जग र ढलान सुकाएर बेलिब्रिज जडान थालिएको हो ।
गएको अशोजमा लिपिङ खोला र भोटेकोशीमा आएको बाढीले मोटरेबल पुल र बेलिब्रिज बगाएको थियो । लार्चामा त्यतिबेलै ह्युमपाइप राखेर यातायात सञ्चालनमा ल्याइएको थियो ।
सडक डिभिजन कार्यालयका अनुसार आउँदो वर्षायाम अघि नै सिन्धुपाल्चोक र काभ्रेपलाञ्चोकको सिमाना बन्देउदेखि चीन सिमाना मितेरी पुलसम्मको लिपिङ सडक खण्ड चौढा, कालोपत्रेलगायत स्तरोन्नतिको काम सकिनेछ ।
माघ ६ गतेदेखि २५ गतेसम्म नाका पूर्णरुपमा बन्द गरेर बेलिब्रिज निर्माणलाई तीव्रता दिइएको हो । आउँदो शुक्रवारसम्म बेलिब्रिज जडानको काम सकेपछि नाकाबाट मालबाहक कन्टेनर काठमाण्डौ ओहोरदोहोर गर्न सक्ने आयोजनाले जनाएको छ ।
चार, पाँच दिनमै बेलिब्रिज जडान गरिसकिने सडक डिभिजन कार्यालय चरिकोटले जनाएको छ ।
