प्रहरी हिरासतबाट आठ थुनुवा भागे

धनुषा । धनुषाको हिरासतबाट आठ थुनुवा भागेका छन् । सोमबार बिहान साढे ३ बजेतिर भेन्टिलेसन तोडेर ९ जना थुनुवा फरार भएका हुन ।

भागेकामध्ये सत्यम् झा नामका थुनुवा जनकपुरको जनकचोकबाट पक्राउ परिसकेका छन् भने अन्यको खोजीकार्य भइरहेको जिप्रका धनुषाका प्रवक्ता डीएसपी रञ्जन अवाले बताए । फरार हुनेमा लागुऔषध मुद्दाका रञ्जित मण्डल, रोशनकुमार मण्डल, अभास्कर कुमार यादव, विशाल मुखिया र अमितकुमार छन् ।

यस्तै अभद्र व्यवहारमा पक्राउ परेका बिक्की कार्की, मनिष मण्डल र सुमित मेस्तर पनि फरार भएका छन् ।फरार भएकाहरूको खोजीका लागि बिहानैदेखि विभिन्न ठाउँमा ‘सर्च’ अभियान चलाएको प्रवक्ता अवाको भनाइ छ ।