छाउगोठमा बाघको आक्रमण, एक महिला घाइते

काठमाडौं । बाघले कैलालीमा एक महिलालाई आक्रमण गरेको छ । छाउगोठमा सुतिरेहकी एक महिलालाई बाघले आक्रमण गरेको हो । आफ्नै घर नजिकै छाउगोठमा सुतिरहेकी ४५ वर्षीया सरस्वती विकलाई मोहन्याल गाउँपालिका–७ कुईनेमा बाघले आक्रमण गरेको हो ।

विकलाई छाउगोठमा सुतेको बेला बाघले आक्रमण गरेपछि वरपरका मानिसहरूले होहल्ला गर्दा बाघ भागेको जनाइएको छ । बाघले गएराति आक्रमण गरेको हो । बाघको आक्रमणबाट उनको टाउको र अनुहारमा चोट लागेको प्रहरीले जनाएको छ ।

सुदुरपश्चिमा महिनावारी भएको बेला छाउगोठ बस्ने चलन अन्त्य नुहँदा महिला असुरक्षित हुने गरेका छन् । उनलाई उपचारको लागि लम्किस्थित लालरत्न अस्पताल लगिएको छ ।