बाघको आक्रमणबाट बाँकेमा एक जना वृद्धको मृत्यु

काठमाडौं । बाँकेमा एक जना वृद्धको बाघको आक्रमणबाट मृत्यु भएको छ। बाँकेको ढकेरीबाट तीन किलोमिटर पश्चिमतर्फको जंगलमा बाघको आक्रमणबाट एक जनाको मृत्यु भएको हो ।

पूर्वपश्चिम राजमार्ग अन्तर्गत सल्यानको दार्मा गाउँपालिका–१ का ७१ वर्षीय नगेन्द्रप्रसाद शर्माको मृत्यु भएको प्रहरीले जनाएको छ ।

मृतक शर्मा ढकेरी नजिकै उडैन गाउँमा आफन्तको घरमा बस्दै आएका थिए। बिहान साढे ५ बजे मर्निङवक गर्दै कोहलपुर जाने क्रममा शर्मालाई बाघले आक्रमण गरेको प्रहरीले जनाएको छ।