तिलङ्गा नेत्र विश्वविद्यालय सम्बन्धी विधेयक आज प्रतिनिधिसभामा पेस हुँदै

काठमाडौं, ९ श्रावण । प्रतिनिधिसभाको आज दिउँसो १ बजे बस्ने बैठकमा शिक्षा, विज्ञान तथा प्रविधि मन्त्री रघुजी पन्तले ‘तिलङ्गा नेत्र विश्वविद्यालय विधेयक, २०८१’ माथि विचार गरियोस् भन्ने प्रस्ताव पेस गर्ने तयारी गरिएको छ ।

यो विधेयक २०८१ असार ४ गते राष्ट्रिय सभामा दर्ता गरिएको थियो र चैत ४ गते पारित भइसकेको छ । प्रस्तावित विधेयकले आँखा स्वास्थ्यसम्बन्धी उच्च शिक्षालगायत अनुसन्धान, प्रविधि र विशेषज्ञ सेवा प्रवर्द्धनमार्फत तिलङ्गा नेत्र विश्वविद्यालयलाई एक उत्कृष्ट प्राज्ञिक केन्द्रका रूपमा विकास गर्ने लक्ष्य लिएको छ ।