- २६ असार २०८३, शुक्रबार / Jul 10, 2026
काठमाडाैं, ११ मंसिर । नेपालकी पहिलो महिला रेस्लर भगवती खड्का (युनिका) ले मनाङस्थित विश्वकै अग्लो तिलिचो तालछेउमा रेस्लिङ महाभिडन्त गर्दै गिनिज बुक अफ वर्ल्ड रेकर्डमा आफ्नो नाम दर्ता गराएकी छिन् ।
नेपाल महिला रेस्लिङ फाउन्डेसनको आयोजनामा नेस्याङ गाउँपालिका-९ मा निर्माण गरिएको विशेष रिङमा भगवती खड्का, अस्मिता सुनार (जुरेली) र अमेरिकी रेस्लर क्यामिल कोलेटी (होलिडेड) बीच प्रतिस्पर्धा भएको थियो । उच्च हिमाली उचाइमा भएको यस ऐतिहासिक भिडन्तमा भगवती खड्का र अस्मिता सुनार विजयी हुँदै विश्व कीर्तिमान रञ्दै गिनिज बुक अफ वर्ल्ड रेकर्डमा नाम दर्ता गर्न सफल भइन् । खेलमा रेफ्रीको भूमिका ‘सिन्धुपाल्चोक टाइगर’ कृष्ण मगरले निर्वाह गरेका थिए ।
यसअघि पनि भगवतीले कालापत्थर (५,६४४ मिटर) मा रेस्लिङ खेलेर विश्वकै अग्लो स्थानमा रेस्लिङ गर्ने कीर्तिमान बनाइसकेकी थिइन् । कार्यक्रममा नेस्याङ गाउँपालिकाका अध्यक्ष कान्छा घलेको प्रमुख आतिथ्य र मनाङका प्रमुख जिल्ला अधिकारी नवराज पौडेलको विशेष उपस्थिति सम्पन्न भएकाे थियो ।
