तीनकुने घटनामा ११३ गिरफ्तार, राप्रपाको २४ घण्टे अल्टिमेटम

काठमाडौं, १६ चैत । शुक्रबार काठमाडौँको तीनकुने क्षेत्रमा भएको हिंसात्मक प्रदर्शनले ठूलो क्षति भएकाे छ। प्रदर्शनमा भाग लिएका प्रमुख व्यक्तिहरू र त्यसपछि भएका घटनाक्रमले सामाजिक र राजनीतिक कोणबाट विभिन्न प्रतिक्रियाहरू ल्याएका छन्।

दुर्गा प्रसाईं फरार
तीनकुनेमा भएको प्रदर्शनका कमान्डरमध्येका एक, दुर्गा प्रसाईं फरार छन्। नेपाल प्रहरीले उनकाे खाेजी कार्य तीव्र पारकाे छ । उनले “राष्ट्र, राष्ट्रियता, धर्म, संस्कृति र नागरिक बचाउ महाअभियान”का नाममा प्रदर्शनको नेतृत्व गर्दै पूर्वराजा फर्काउने उद्घोष गरेका थिए। प्रदर्शन हिंसात्मक बनेपछि दुई जनाको मृत्यु भएको थियो। गृह मन्त्रालयका सहसचिव छवि रिजालले भने, “प्रसाईं आफैँले सवारी चलाएर सुरक्षाकर्मीलाई मार्ने नियतले गाडी चलाएपछि प्रदर्शन हिंसात्मक बन्यो।” प्रहरी अधिकारीहरूले दुर्गा प्रसाईंलाई पक्राउ गर्न खोजिरहेका छन्।

राप्रपाको विरोध
राष्ट्रिय प्रजातन्त्र पार्टी (राप्रपा) ले पार्टीका उपाध्यक्ष रवीन्द्र मिश्र र महामन्त्री धवलशमशेर राणालाई गिरफ्तार गरिएका विषयमा विरोध जनाउँदै २४ घण्टाभित्र रिहा गर्न सरकारलाई अल्टिमेटम दिएको छ। राप्रपाका अध्यक्ष राजेन्द्र लिङ्देनले भने, “यदि २४ घण्टाभित्र उनीहरूलाई रिहा नगरेको खण्डमा, हामी विरोधका कार्यक्रम र आन्दोलन गर्नेछौं।” राप्रपाले यस घटनालाई सरकारको दमनकारी कदमको रूपमा लिएकाे बताएका छन्।

#ArrestGyanendra अभियान
राजावादी समूहले प्रदर्शनको क्रममा हिंसा र तोडफोड गरेपछि सामाजिक सञ्जालमा #ArrestGyanendra अभियान चलेकाे छ । सामाजिक सञ्चालमा पूर्वराजा ज्ञानेन्द्र शाहलाई पक्राउ गर्न सरकारसँग माग गरिएकाे छ । 

प्रहरीको नियन्त्रण र रिहाई
प्रहरीले तीनकुनेमा भएको हिंसात्मक घटनामा ११३ जनालाई नियन्त्रणमा लिएको छ। राप्रपा नेता रवीन्द्र मिश्र र धवलशमशेर राणा पनि पक्राउ परेका छन्। प्रहरीले घटनामा संलग्न प्रदर्शनकारीहरूको खोजी तीव्र बनाएको छ। प्रहरी प्रमुख छवि रिजालका अनुसार, “प्रदर्शनमा संलग्न जोसुकैलाई कानूनी दायरामा ल्याइनेछ।”

काँगेसको प्रतिक्रिया
सत्तारुढ दल नेपाली कांग्रेसले तीनकुनेमा भएको घटनाको सबै जिम्मेवारी पूर्वराजा ज्ञानेन्द्र शाहले लिनुपर्ने बताएको छ। शनिबार पार्टी सभापति शेरबहादुर देउवा निवासमा बसेको बैठकले पूर्वराजालाई प्रमुख जिम्मेवार मान्दै भने, “तीनकुने घटनामा भएको हिंसा र अराजकता सबैको प्रमुख जिम्मेवारी पूर्वराजा ज्ञानेन्द्र शाह  हो।” काँगेसले भनेकाे छ कि, पूर्वराजा शाहको नेतृत्वमा भइरहेका आन्दोलनहरूले देशको शान्ति र स्थिरतालाई धक्का पुर्‍याइरहेका छन्।