- २७ असार २०८३, शनिबार / Jul 11, 2026
२४ घण्टामा १ हजार ९९४ सवारी चालक कारबाहीमा।
ट्राफिक नियम उल्लंघनबाट ५ लाख ४१ हजार रुपैयाँभन्दा बढी राजस्व संकलन।
मादकपदार्थ सेवन, तीव्र गति र सिग्नल उल्लंघन प्रमुख कारण।
लेन अनुशासन, पार्किङ र हर्न उल्लंघनमा समेत कारबाही।
अन्य विभिन्न ट्राफिक नियम उल्लंघन गर्ने सयौं चालक नियन्त्रणमा।
काठमाडौं, १७ जेठ। काठमाडौं उपत्यकामा पछिल्लो २४ घण्टामा ट्राफिक नियम उल्लंघन गर्ने १ हजार ९ सय ९४ जना सवारी चालक कारबाहीमा परेका छन्।
काठमाडौं उपत्यका ट्राफिक प्रहरी कार्यालयका अनुसार सो कारबाहीबाट राज्यकोषमा ५ लाख ४१ हजार ५ सय २ रुपैयाँ राजस्व संकलन भएको छ।
कारबाहीमा परेकामध्ये मादकपदार्थ सेवन गरी सवारी चलाउने १ सय २७ जना, नियमविपरीत राइड सेयरिङ गर्ने १ सय ४२ जना, ट्राफिक सिग्नल उल्लंघन गर्ने १ सय ४९ जना तथा तीव्र गतिमा सवारी चलाउने १ सय ३ जना रहेका छन्।
त्यसैगरी लेन अनुशासन पालना नगर्ने १ सय ५८ जना, निषेधित क्षेत्रमा हर्न बजाउने १ सय ३० जना, सडक पेटीमा पार्किङ गर्ने १ सय २८ जना र एकतर्फी सडकमा सवारी चलाउने ९५ जना चालकलाई पनि कारबाही गरिएको प्रहरीले जनाएको छ।
अन्य विभिन्न ट्राफिक नियम उल्लंघन गर्ने ९ सय ६२ जना चालकलाई समेत नियन्त्रणमा लिइएको ट्राफिक प्रहरीले जानकारी दिएको छ।
ट्राफिक प्रहरीले सडक सुरक्षा र दुर्घटना न्यूनीकरणका लागि नियम पालना अनिवार्य रहेको भन्दै सबै सवारी चालकलाई सचेत रहन आग्रह गरेको छ।
