- १ कार्तिक २०८३, आईतवार / Oct 18, 2026
काठमाडौं । ३५ अर्ब ५१ करोड ७२ लाख ३५ हजार रुपैयाँ सहकारीमा फसेको छ । सबै सहकारी संस्थाका बचत माग दाबी गरिएको निवेदन अनुसार ३५ अर्ब ५१ करोड ७२ लाख ३५ हजार फसेको भूमि व्यवस्था, सहकारी तथा गरिबी निवारण मन्त्रालयले जनाएको छ ।
हालसम्म समस्याग्रस्त घोषणा भएका सबै सहकारी संस्थाको दायित्व यकिन गरिएको मन्त्रालयले जनाएको छ।
समस्याग्रस्त सहकारीका बचतकर्ताले आफ्नो रकम फिर्ता पाउने स्थिति सिर्जना गर्नका लागि तीनवटै तहका सरकार र मातहतका निकायले समन्वयात्मक रूपमा काम गरिरहेको र त्यसलाई थप प्रभावकारी बनाउँदै लैजाने गरी मन्त्रालयले योजना जनाइएको छ ।
सहकारीका समस्या तत्काल सम्बोधन गर्न उच्चस्तरीय आयोग गठन गर्ने कार्यको प्रारम्भ भएको पनि मन्त्रालयले जनाएको छ ।
