- ८ बैशाख २०८३, मंगलवार / Apr 21, 2026
काठमाण्डौ, ८ बैशाख । त्रिभुवन अन्तर्राष्ट्रिय विमानस्थल दैनिक सात घण्टा बन्द हुन थालेको छ। विमानस्थलमा पूर्वाधार निर्माण कार्यलाई तीव्रता दिन गएरातिदेखि हरेक दिन आउँदो जेठ ४ गतेसम्म रातिको समयमा सञ्चालन बन्द गरिने भएको हो।
विमानस्थलको टर्मिनल व्यवस्थापन महाशाखाका प्रमुख इन्दुराज अधिकारी का अनुसार उक्त अवधिमा विमानस्थल क्षेत्रमा निर्माण कार्य सञ्चालन हुनेछ। हाल विमानस्थलको धावनमार्ग छेउमा रहेको ट्याक्सी मार्गमा निर्माण कार्य भइरहेको छ। यसअघि विमानस्थल बिहान ६ बजेदेखि राति १ बजेसम्म सञ्चालन हुँदै आएको थियो।
रातिको समयमा विमानस्थल बन्द हुँदा उडान तथा अवतरण तालिकामा असर पर्ने भएकाले विमानस्थल कार्यालयले हवाई सेवा प्रदायक कम्पनीहरूलाई कार्यतालिका समायोजन गर्न आग्रह गरेको छ।
