काठमाडौं आउँदै गरेको ट्रक त्रिशूलीमा खस्यो

काठमाडौं । खयरघारीबाट एउटा ट्रक त्रिशूली नदीमा खसेको छ ।

बिहान त्रिशुलीमा ट्रक खस्दा तीन जना घाइते भएको धादिङका प्रहरी निरीक्षक प्रह्लाद सिलवालले बताए । पृथ्वी राजमार्गमा पर्ने रारोङ १० जोगीमारास्थित हुग्दी खोला नजिकैबाट लु २ ख २५० नम्बरको ट्रक त्रिशूली नदीमा खसेको थियो ।

दुर्घटनास्थलबाट चालकसहित तीन जनाको उद्धार गरेको उनले बताए । उनका अनुसार नवलपरासीबाट चामल लिएर काठमाडौँतर्फ जाँदै गरको ट्रक नदीमा डुबेको छ ।

दुर्घटनामा ट्रक चालक नवलपरासी पश्चिम घर भएकाका २७ वर्षीय आशिष महतो, सहचालक २६ वर्षीय राजु थापा र ट्रक धनी खैरहनी नगरपालिकाका ४६ वर्षीय सुरेश गुरुङ घाइते भएका छन् ।