- ५ श्रावण २०८३, मंगलवार / Jul 21, 2026
धादिङ । पृथ्वी राजमार्गस्थित कृष्ण भिरमा आज भएको सवारी दुर्घटनामा परी एक जना गम्भिर घाईते भएका छन् ।
बिरगंजबाट काठमाडौंतर्फ आइरहेको मधेश प्रदेश ०३–००२ ख ०३१४ नम्वरको ट्रक अनियन्त्रित भई सडकबाट करिब पाँच मिटर तल खस्दा सो दुर्घटना भएको हो । घाईते ट्रक चालक बारा जिल्ला गढिमाइ नगरपालिका १५ का २८ वर्षीय सुमन चौधरी रहेको जिल्ला प्रहरी कार्यालय धादिङका सुचना अधिकारी प्रल्हाद सिलवालले बताए ।
चालक दुर्घटनाग्रस्ट ट्रकले च्यापियर रहेको अवस्थामा उद्दार गरि थप उपचारका लागी स्थानीय अस्पताल पठाइएको छ । सहचालकको अवस्था भने सामान्य रहेको प्रहरीले जनाएको छ ।
