- १६ जेष्ठ २०८३, शनिबार / May 30, 2026
काठमाडौँ, २६ भाद्र । त्रिभुवन विश्वविद्यालय (त्रिवि) ले कात्तिक १० गतेसम्म पठनपाठन बन्द गर्ने निर्णय गरेको छ।
मुलुकभर विद्यमान असामान्य परिस्थितिलाई मध्यनजर गर्दै विश्वविद्यालयले यो समय हिउँदे बिदाबाट कटौती गर्नेगरी बिदा दिएको हो।
विश्वविद्यालय रजिष्ट्रारको कार्यालय, सूचना तथा सम्पर्क महाशाखाका प्रमुख लिल्ली थापा क्षेत्रीले हस्ताक्षर गरेको सूचनामा सो कुरा उल्लेख गरिएको छ।
सूचनाअनुसार भदौ २९, ३० र ३१ गते, असोज १, २ र ५ गतेसहित ९ गते बिदा दिइएको छ। यस अवधिमा दशैं, तिहार र छठको बिदा समेत पर्ने भएकोले कात्तिक ११ गतेदेखि मात्र नियमित पठनपाठन सञ्चालन हुने जनाइएको छ।
