- २६ असार २०८३, शुक्रबार / Jul 10, 2026
मुख्य बुँदा
संविधान दिवस २०८२ टुँडिखेलमा विशेष कार्यक्रम
राष्ट्रपति पौडेलको प्रमुख आतिथ्य, अन्तरिम प्रधानमन्त्री सुशीला कार्की र अन्य विशिष्ट व्यक्तिहरूको उपस्थिति
नेपाली सेनाको आश्वकला प्रदर्शन
प्रधानमन्त्री सुशीला कार्की: युवाहरूको मागको सम्मान, निर्वाचनको कार्यभार पूरा गर्ने प्रतिबद्धता
संविधानको भावना र मर्मअनुरूप काम गर्नुपर्नेमा जोड
नागरिक पनि आफ्ना कर्तव्यप्रति सचेत हुनुपर्ने
काठमाडौँ, ३ असाेज । संविधान तथा राष्ट्रिय दिवस, २०८२ को अवसरमा सैनिक मञ्च टुँडिखेलमा विशेष कार्यक्रम आयोजना गरिएको छ। राष्ट्रपति रामचन्द्र पौडेलको प्रमुख आतिथ्यतामा आयोजित कार्यक्रममा अन्तरिम सरकारका प्रधानमन्त्री सुशीला कार्की, प्रधानन्यायाधीश, सभामुख, राष्ट्रियसभा अध्यक्ष लगायतका विशिष्ट व्यक्तिहरूको उपस्थिति रहेको थियो।
सो क्रममा नेपाली सेनाले विभिन्न आश्वकला प्रदर्शन गरेका थिए। प्रधानमन्त्री सुशीला कोइरालाले जनताका बदलिएका आवश्यकता र आकांक्षाप्रति राज्य संयन्त्र संवेदनशील हुनुपर्ने बताइन्। उनले समयअनुसार जनताका मागप्रति राज्य गम्भीर संवेदनशील नभएकै कारण युवापुस्ताले आन्दोलन गर्नुपरेको तर्क गरिन्।
जनभावनाको सुनुवाइ नै लोकतन्त्रको आत्मा भएको भन्दै राज्य संयन्त्रले कमीकमजोरीप्रति आत्मालोचना गर्दै निरन्तर सुधारको बाटोमा लाग्नुपर्ने उनले बताइन्। पछिल्लो आन्दोलनले राज्यका धेरै पक्षको सुधारको माग गरेको भन्दै उनले सबै पक्षका भावना समेटिने गरी काम गर्ने प्रतिबद्धता जनाइन्।
प्रधानमन्त्रीले आफू पदको लोभका कारण नआएको भन्दै युवाहरूको मागलाई दृष्टिगत गरी निर्वाचन गराउने कार्यभार पूरा गर्न आएको उल्लेख गरिन्। संविधानमा परिवर्तनभन्दा यसको भावना र मर्मअनुरूप काम गर्न आवश्यक रहेकोमा जोड दिइन्। उनले राज्यका सबै संयन्त्रसँगै नागरिक पनि आफ्ना कर्तव्यप्रति सचेत हुनुपर्ने बताइन्।
