- १५ जेष्ठ २०८३, शुक्रबार / May 29, 2026
मुख्य बूदा
टर्कीले सबैभन्दा शक्तिशाली गैर-आणविक बम ‘गाजाप’ र ‘एनईबी-२ घोष्ट’ सफलतापूर्वक परीक्षण
टर्कीको नयाँ थर्मोबेरिक बमले सयौँ वर्ग मिटर क्षेत्रफलमा व्यापक क्षति पुर्याउन सक्ने क्षमता
आत्मनिर्भर सैन्य प्रविधिमा टर्कीले द्रुत प्रगति गर्दै उच्च प्रविधिका बम उत्पादन
टर्कीको रक्षा अनुसन्धानले एफ-१६ विमानबाट प्रहार गर्न मिल्ने शक्तिशाली बम तयार
अंकारा, १३ साउन । टर्कीले आफ्नो सबैभन्दा शक्तिशाली गैर-आणविक बम ‘गाजाप’ (GAZAP) र ‘एनईबी-२ घोष्ट’ को सफल परीक्षण गरेको रक्षा मन्त्रालयले जानकारी दिएको छ।
जुलाई २६-२७ मा इस्तानबुलमा आयोजना गरिएको १७ औं अन्तर्राष्ट्रिय रक्षा उद्योग मेला (आईडीईएफ) २०२५ मा टर्कीले यी बमहरूको परीक्षण भिडियो सार्वजनिक गरेको हो।
दुबै बमको तौल करिब ९७० किलो रहेको छ र ‘गाजाप’ थर्मोबेरिक वारहेडले सुसज्जित छ। यी बम एफ-१६ लडाकु विमानबाट खसाल्न सकिन्छ। फुटेजले देखाएको छ कि बमले सयौँ वर्ग मिटर क्षेत्रफलमा असर पुर्याउन सक्छ। विस्फोट पछि प्रति वर्ग मिटर १०.६ विशेष कणहरू फैलिन्छन्।
टर्कीको रक्षा अनुसन्धान तथा विकास केन्द्रले यी बमहरू डिजाइन गरेको हो र अब परीक्षण प्रक्रिया पूरा भएपछि प्रयोगको लागि तयार भएको बताइएको छ।
पछिल्लो दशकमा टर्कीले आफ्नो सैन्य प्रविधिमा द्रुत प्रगति गरेको छ र विदेशी निर्भरता घटाएर आत्मनिर्भरता बढाउने रणनीति लिएको छ। यसअन्तर्गत टर्कीले क्षेप्यास्त्र, बख्तरबन्द सवारी, नौसेना जहाज र विमानहरूमा उल्लेखनीय प्रगति गरेको छ।
टर्कीका थुप्रै मिसाइलहरू जस्तै तैफून, सिपर, र सपन पनि विकसित छन्। तैफून ब्लक-४ टर्कीको पहिलो हाइपरसोनिक ब्यालिस्टिक मिसाइल हो, जसको गति म्याक ५ भन्दा बढी छ।
