- २७ असार २०८३, शनिबार / Jul 11, 2026
काठमाडौं । दुई किशोरी अछाममा मृत फेला परेका छन्। अछामको ढकारी गाउँपालिका–८ का कमल खड्काकी छोरी १४ वर्षीया ईश्वरा खड्का र उदयराम खड्काकी छोरी १४ वर्षीया सरस्वती खड्का शनिबार बेलुकी मृत भेटिएको जिल्ला प्रहरी कार्यालय अछामले जनाएको छ।
उनीहरु ढकारी गाउँपालिका–१ को जंगल क्षेत्रमा शनिबार साँझ दुई किशोरी मृत भेटिएका हुन् । दुवै किशोरी शुक्रबार ढकारी–१ मा पर्ने छिन्ने ओडार जंगलमा गाईबस्तु चराउन गएका थिए।
अनुसन्धानका लागि अहिले प्रहरी नायब उपरीक्षक (डीएसपी) नेतृत्वको टोली घटनास्थलतर्फ गएको जनाइएको छ । दुवैजना साँझ नफर्किएपछि परिवार र आफन्तले खोजी गरेका थिए।
यसक्रममा शनिबार साँझ साढे ६ बजेतिर जंगलमा मृत फेला पारेपछि प्रहरीलाई खबर गरेको जिल्ला प्रहरी कार्यालय अछामले जनाएको छ ।
