ब्राउन सुगरसहित दाङबाट दुई जना युवा पक्राउ

दाङ । ब्राउन सुगरसहित दाङबाट दुईजना पक्राउ परेका छन् । दाङको घोराहीबाट लागुऔषध सहित दुई युवा पक्राउ परेका हुन ।
प्रहरीले उनीहरू सवार लु १८ प ३७७० नम्बरको मोटरसाइकल नियन्त्रणमा लिएको छ ।

पक्राउ पर्नेमा राप्ती गाउँपालिका–३ मसुरिया घर भई घोराही उपमहानगरपालिका–१३ प्रगतिटोल बस्दै आएका २२ वर्षीय चिन्तन केसी र घोराही–१३ डुमरगाउँका १९ वर्षीय मनोज बुढामगर रहेको दाङ प्रहरीले जनाएको छ । उनीहरुको साथबाट ब्राउन सुगर बरामद भएको हो ।

शङ्का लागेर केसी र बुढामगरलाई खानतलासी गर्दा केसीले लगाएको जुत्तामुनि लुकाइराखेको अवस्थामा एक सय ९० मिलिग्राम र बुढाथोकीको साथबाट ६ सय ८० मिलिग्राम बरामद भएको प्रहरीले जनाएको छ ।