- १२ बैशाख २०८३, शनिबार / Apr 25, 2026
काठमाडौँ, १३ असार । अबदेखि संयुक्त अरब इमिरेट्स (यूएई) जाने नेपाली श्रमिकको न्यूनतम तलब कम्तीमा १४ सय दिराम हुनुपर्ने भएको छ। यूएईस्थित नेपाली दूतावासले नयाँ तलब स्केल सार्वजनिक गर्दै तोकिएको भन्दा कम तलबमा मागपत्र प्रमाणीकरण नहुने जनाएको छ।
दूतावासका अनुसार श्रमिक वर्ग अनुसार तलब र खाना खर्च यसप्रकार तोकिएको छ: अदक्ष श्रमिक: मासिक न्यूनतम तलब १००० दिराम + खाना खर्च ४०० दिराम = कुल १४०० दिराम ।
अर्धदक्ष कामदार: मासिक न्यूनतम तलब १२०० दिराम + खाना खर्च ४०० दिराम = कुल १६०० दिराम । दक्ष कामदार: मासिक न्यूनतम तलब १५०० दिराम + खाना खर्च ४०० दिराम = कुल १९०० दिराम ।
उच्च दक्षता भएका श्रमिक: मासिक न्यूनतम तलब ६००० दिराम + खाना खर्च ४०० दिराम = कुल ६४०० दिराम रहेकाे छ । यसअघि श्रम, रोजगार तथा सामाजिक सुरक्षामन्त्री शरतसिंह भण्डारीले यूएई जाने नेपाली कामदारको न्यूनतम तलब मासिक १००० दिराम हुनुपर्ने निर्णय गरिसकेका थिए।
