- २२ कार्तिक २०८३, आईतवार / Nov 8, 2026
काठमाडाैं, १४ मंसिर । प्रधानमन्त्री सुशीला कार्कीले सबै धर्म र समुदायप्रति आफ्नो सम्मान समान रूपमा रहेको स्पष्ट गरेकी छन् । लैंगिक हिंसाविरुद्धको १६ दिने अभियान शुभारम्भ कार्यक्रमका क्रममा दिइएको अभिव्यक्तिमा आएका प्रतिक्रियासँग सम्बन्धित टिप्पणीहरूप्रति ध्यानाकर्षण भएको भन्दै उनले कुनै पनि धर्म वा समुदायलाई होच्याउने आशय नरहेको बताइन् ।
सामाजिक सञ्जाल ‘एक्स’ मार्फत् प्रधानमन्त्री कार्कीले शान्ति, सद्भाव र सहिष्णुता कायम राख्न सबैलाई आह्वान गरेकी छन् । उनले भनेकी छन्, “लैंगिक हिंसाविरुद्धको १६ दिने अभियान शुभारम्भका क्रममा मैले दिएको अभिव्यक्तिमा रहेर विभिन्न टिप्पणी भएका रहेछन् ।
कुनै पनि धर्म वा समुदायलाई होच्याउने मेरो नियत होइन । सबै धर्मप्रति मेरो उत्तिकै सम्मान छ । शान्ति, सद्भाव र सहिष्णुता कायम राख्न सबैमा विनम्र अनुरोध छ ।”
