- २१ कार्तिक २०८३, शनिबार / Nov 7, 2026
काठमाडौं । काभा महिला भलिबल नेसन्स कपको दोस्रो सेमिफाइनलमा आज नेपाल इरानसँग भिड्दैछ । नेपाल लिगको उपविजेता बन्दै तेस्रो स्थानमा रहेको इरानसँग सेमिफाइनल खेल्न लागेको हो ।
आजको खेल नेपाली टोलीका लागि लिग चरणमा भोगेको हारको बदला लिने अवसर समेत हो । आइतबार भएको लिग चरणको खेलमा नेपाल इरानसँग ३–२ को सेटमा पराजित भएको थियो ।
राष्ट्रिय खेलकुद परिषद्को कभर्डहलमा आजै हुने पहिलो सेमिफाइनलमा भारत र श्रीलंका भिड्दैछन् । खेल दिउँसो ३ बजेपछि सुरु हुनेछ । दोस्रो सेमिफाइनल साँझ सवा ५ बजे सुरु हुनेछ ।
तेस्रो जितसँगै भारत १० अंक सहित शीर्षस्थानमा छ भने ९ अंक सहित नेपाल दोस्रो र ७ अंकसहित इरान तेस्रो स्थानमा छ । ४ अंक भएको श्रीलंका चौथो स्थानमा छ भने अंंकबिहिन मालदिभ्स पाँचौ स्थानमा रहँदै लिगबाट बाहिरीएको छ।
