- १५ जेष्ठ २०८३, शुक्रबार / May 29, 2026
एजेन्सी , २४ जेठ । अमेरिकाको भर्जिनियास्थित मानेसार पार्क नजिक एक घरमा दुई बालबालिकासहित चार जना नेपाली मृत फेला परेका छन्। बिहीवार भएको घटनामा ३८ वर्षीय सन्तोष परियार, ३६ वर्षीया अञ्जु श्रेष्ठ, दुई वर्षीय बालक र आठ वर्षीया बालिकाको ज्यान गएको हो।
प्रारम्भिक जानकारी अनुसार सबैलाई गोली लागेको पाइएको छ। मृतकको स्थायी ठेगाना नेपालमा खुल्न बाँकी रहेको बताइएको छ। घटनाबारे स्थानीय प्रहरीले अनुसन्धान अगाडि बढाइरहेको छ।
एनबीसी वासिङ्टन (न्यूज ४) का अनुसार मृतक परिवार झन्डै छ महिना अघि मात्र सो स्थानमा बसाइ सरेका थिए। छिमेकीहरूका अनुसार ती परिवार केही समयदेखि सामान्य रूपमा बस्दै आएका थिए। घटनाको कारण अझै स्पष्ट नभएको र थप विवरणहरू संकलन भइरहेको प्रहरीले जनाएको छ।
