- २९ श्रावण २०८३, शुक्रबार / Aug 14, 2026
काठमाडौँ, ९ जेठ । सरकारले वृद्धभत्ता वितरणसम्बन्धी नीति कडाइ गर्दै उमेरको न्यूनतम सीमा बढाउने र भत्ता पाउनका लागि राष्ट्रिय परिचयपत्र अनिवार्य बनाउने निर्णय गरेको छ।
अघिल्लो महिनाको मन्त्रिपरिषद् बैठकले पूर्व सचिव रामेश्वर खनालको नेतृत्वमा रहेको उच्चस्तरीय आर्थिक सुधार आयोगको सिफारिसअनुसार यो कार्ययोजना स्वीकृत गरेको हो।
सरकारले अबदेखि वृद्धभत्ता पाउनको लागि न्यूनतम उमेर ७० वर्ष पुर्याउनुपर्ने व्यवस्था कार्यान्वयनमा ल्याउने तयारी गरेको छ। हालको व्यवस्था अनुसार ६८ वर्ष पुगेका ज्येष्ठ नागरिकलाई मासिक चार हजार रुपैयाँ भत्ता दिइँदै आएको छ।
कार्ययोजनामा सामाजिक सुरक्षाको दायरा विस्तार गर्दै योगदानमा आधारित सामाजिक सुरक्षा प्रणालीलाई सुदृढ बनाउने पनि उल्लेख छ। यसबाट राज्यको सामाजिक सुरक्षा प्रणाली अझ व्यवस्थित, पारदर्शी र दीर्घकालीन रूपमा टिकाउ बनाउने लक्ष्य लिएको बताइएको छ।
