- २२ कार्तिक २०८३, आईतवार / Nov 8, 2026
काठमाडौं । आज बिहानैदेखि देशका केही भूभागमा पानी परेको छ । कोशी, मधेश, बाग्मती, लुम्बिनी र कर्णाली प्रदेशका एक।दुई ठाउँमा आज बिहानैदेखि मेघगर्जन र चट्याङसहित हल्का वर्षा भइरहेको मौसम पूर्वानुमान महाशाखाले जनाएको छ ।
मौसम पूर्वानुमान महाशाखाका अनुसार आज कोशी, मधेश र सुदूरपश्चिम प्रदेशलगायत पहाडी क्षेत्रमा मौसम आंशिकदेखि सामान्य बदली छ । मध्यपश्चिमी क्षेत्रका केही ठाउँमा हावाहुरीको पनि सम्भावना छ । आज दिउँसो काठमाडौं उपत्यकासहित बाग्मती, कोशी, मधेश, गण्डकी र लुम्बिनी प्रदेशका थोरै ठाउँमा मेघगर्जन र चट्याङसहित हल्कादेखि मध्यम वर्षाको सम्भावना रहेको मौसमविद् बिनु महर्जनले बताइन् ।
आज काठमाडौं उपत्यकाको तापक्रम २९ देखि ३१ डिग्री सेल्सियस रहने अनुमान छ भने सुदूरपश्चिम, लुम्बिनी र तराई मधेशका केही ठाउँमा तापक्रम ३८ देखि ४० डिग्री सेल्सियससम्म पुग्ने अनुमान छ ।
