चित्रलेखा यादव अष्ट्रेलियाको राजदूतमा सिफारिस

काठमाडौं । चित्रलेखा यादव अष्ट्रेलियाको राजदूतमा सिफारिस भएकी छन् । सोमबारको मन्त्रिपरिषद बैठकले कांग्रेस नेता यादवलाई राजदूत नियुक्तिका लागि सिफारिस गरेको हो । पूर्वकोषाध्यक्ष तथा पूर्वउपसभामुख भइसकेकी उनी शिक्षा मन्त्री समेत बनेकी थिइन् ।

यसअघि अष्ट्रेलियाको राजदूतमा कान्ता रिजालको नाम सिफारिस गरिएको थियो । तर रिजाल इजरायलको राजदूतबाट फिर्ता हुँदा सहयोगीलाई स्वदेश नर्फकाएको उजुरी परराष्ट्र मन्त्रालयमा परेपछि उनको सट्टा चित्रलेखा यादवलाई सिफारिस गरिएको स्रोतले बतायो ।

संसदीय सुनुवाइको प्रक्रिया पूरा भएपछि राष्ट्रपतिबाट राजदूत नियुक्ति हुने व्यवस्था छ ।