- १६ जेष्ठ २०८३, शनिबार / May 30, 2026
काठमाडौं । पाँचथरको फालेलुङ गाउँपालिका ५ डाँडागाउँमा बेवारिसे बम विस्फोटमा परी घाइते भएका दुई बालकको निःशुल्क उपचार गर्ने भएको छ ।
सरकारले सोमबार बेलुकीको मन्त्रिपरिषद बैठकबाट विस्फोटमा घाइते भएका पवन राई र दिप्सन राईको उपचार निःशुल्क गर्ने निर्णय गरेको हो । उपचार कीर्तिपुरस्थित बर्न अस्पतालमा भइरहेको छ ।
भदौ १३ गते द्वन्द्वकालको ह्यान्डमेड सकेट बम विस्फोट हुँदा डाँडागाउँ ११ वर्षीय दिप्सन सावा र अढाइ वर्षीया प्रिन्सा सावाको मृत्यु भएको थियो । मृतकका परिवारलाई जनही ५, ५ लाख रुपैयाँ राहत रकम उपलब्ध गराउने निर्णय पनि गरेको छ ।
