अब महिला कलाकारले अभिनय गर्न नपाउने

काठमाडौं । अफगानिस्तामा तालिबान सरकारले महिलाहरुलाई टेलिभिजन सिरियलमा अभिनय गर्क रोक लगाएको छ। टिभीमा महिला पत्रकार र प्रस्तोतालाई टाउको छोप्ने पहिरन लगाउन आदेश दिएको अन्तराष्ट्रिय सञ्चारमाध्यमले जनाएका छन्।

महिलाहरुमाथि बन्देज लगाउँदै आएको भनेर आलोचना समेत भइरहेको छ। यसअघि पनि किशोरीलाई विद्यालय नजान र घरमै बस्न आदेश दिइएको थियो। सन् १९९० मा पनि तालिबानले किशोरीलाई विद्यालयमा जान प्रतिबन्ध लगाएका थियो ।

पछिल्लोपटक चीनले कानुन खुकुलो बनाउन अनुरोध गरेको छ । महिला माथिको प्रतिबन्ध हटाउन अनुरोध गरेको संचारमाध्यमले जनाएका छन् । यसैबीच चीनले अफगानिस्तानलाई मानवीय सहायतासम्बन्धी सामग्री पठाएको छ।

चिसो मौसमका लागि भन्दै चीनले यस्ता सामग्री पठाएको बुझिएको छ । रेलमा करिब एक हजार टन सामग्री पठाइएको चिनियाँ अधिकारीले बताएका छन्। विगतदेखि अफगानिस्तानलाई चीनले सहयोग गर्दै आएको छ। खाद्यान्न, लत्ता कपडा, औषधिहरु पठाएको हो ।