अस्पतालबाट भागेका कैदी लुभूमा भेटिए

काठमाडौं । शिक्षण अस्पतालमा उपचार गर्न लगेका एक कैदी भागेको केही समय मै प्रहरीले नियन्त्रणमा लिएको छ । बिहीवार ललितपुरको लुभूबाट भोला बुढाथोकी (भागेका कैदी)लाई प्रहरीले नियन्त्रणमा लिएको हो । प्रहरीको अनाश्रीत गुल्म नख्खुमा रहेका उनी उपचारका क्रममा भागेका थिए ।

कर्तव्य ज्यान मुद्दाका कैदी रामेछापका बुढाथोकीलाई कारागारले उपचारका लागि अस्पताल पुर्‍याइएको थियो । बुधबार अपराह्न करिब सवा चार बजे बुढाथोकी भागेका हुन् । घटनापछि प्रहरीले कारागार कार्यालय नख्खुका प्रमुखलाई जिम्मेवारीबाट पदमुक्त गरेको छ ।

यस्तै कैदीको सुरक्षामा खटिएका प्रहरीलाईसमेत निलम्बन गरिएको छ । अनुसन्धानका लागि प्रहरी उपरीक्षक देवेन्द्रबहादुर पालको संयोजकत्वमा चार सदस्यीय छानबिन समिति गठन गरि थप अनुसन्धान गरिरहेको छ ।