- ६ भाद्र २०८३, शनिबार / Aug 22, 2026
सुर्खेत । कर्णाली प्रदेशको सभामुखका लागि आज निर्वाचन हुँदैछ । मतदान बिहान ११ बजेपछि सुरु गर्ने तयारी गरिएको छ ।
सभामुखका लागि सत्ता गठबन्धनबाट नेकपा एमालेकी नन्दा गुरुङले मनोनयन दर्ता गराएकी छन् भने कांग्रेसबाट खड्क पोख्रेल उम्मेदवार छन् । दुवै जना उम्मेदवार सुर्खेतकै हुन् ।
गुरुङ एमालेकी समानुपातिक सांसद हुन् भने कांग्रेस सुर्खेत जिल्ला सभापतिसमेत रहेका पोख्रेल प्रत्यक्ष निर्वाचित भएका हुन् ।
४० सदस्यीय प्रदेश सभामा बहुमतका लागि २१ सदस्य आवश्यक हुन्छ । यहाँ माओवादी र एमालेको मात्रै २३ सिट छ ।
कर्णालीमा पहिलो दल नेपाली कांग्रेसका १४, माओवादी केन्द्रका १३, नेकपा एमालेका १०, नेकपा (एकीकृत समाजवादी), राप्रपा र स्वतन्त्रबाट एक/एक जना सांसद रहेका छन् ।
