- ३१ जेष्ठ २०८३, आईतवार / Jun 14, 2026
ट्युनिसिया । ट्युनिसियाको तटपारि भूमध्य सागरमा २० शव फेला परेको छ । युरोपतर्फ जान खोज्ने आप्रवासीका ती शव उत्तरपूर्वी ट्युनिसियाको नयेबुल शहर नजिक फेला परेको प्रहरीको भनाइ छ ।
शुक्रबार १२ शव र शनिबार थप ८ शव भेटिएको अन्तर्राष्ट्रिय सञ्चारमाध्यमले जनाएका छन् । हाल फेला परेका शवलाई डीएनए परीक्षण र अन्य पहिचानका लागि स्थानीय अस्पतालतर्फ लगिएको बताइएको छ ।
यहाँ अझै थप शव भेटिने आशङ्का गरिएकोले खोजी कार्य जारी रहेको एपीले जनाएको छ । ट्युनिसियाको तट अफ्रिकी आप्रवासीका लागि कुख्यात मानिएको छ । अवैध रुपमा युरोपतर्फ जान खोज्ने सयौँ आप्रवासीले यस क्षेत्रमा ज्यान गुमाउने गरेको बताइएको छ ।
गत वर्ष मात्रै भूमध्य सागरको सो क्षेत्रमा १३ सय भन्दा धेरै आप्रवासी मारिएको आईओएमले जनाएको छ ।
