- ३१ भाद्र २०८३, बुधबार / Sep 16, 2026
काठमाडौं । युक्रेनसँग ३६ घण्टा एकपक्षीय युद्धविरामको रुसी राष्ट्रपति भ्लादिमिर पुटिनले घोषणा गरेका छन् ।
पुटिनले शुक्रबार मध्याह्न १२ बजेदेखि शनिबार राति १२ बजेसम्मका लागि युद्धविराम घोषणा गरेका हुन् । युक्रेनमाथि ३६ घण्टा कुनै प्रकारको हमला नगर्न रक्षा मन्त्रालयलाई निर्देशन दिएका छन् ।
रुसका इसाइ धर्मगुरु किरिलको अपिलपछि राष्ट्रपति पुटिनले अर्थोडक्स क्रिसमस पर्वका अवसरमा अस्थायी युद्धविराम घोषणा गरेको क्रेमलिनले जनाएको छ ।
युक्रेनले भने रुसी युद्धविरामलाई खारेज गरिदिएको छ । उसले ‘फसाउनका लागि जाल रचिएको’ प्रतिक्रिया दिएको छ।
