कडा प्रतिवाद गर्ने एमालेको निर्णय

काठमाडौं । वैशाख ३० मा हुन गइरहेको चुनाव सार्ने षड्यन्त्र भएको भन्दै यसको कडा प्रतिवाद गर्ने एमालेले निर्णय गरेको छ ।

सत्ता गठबन्धनभित्र सिट बाँडफाँडलाई लिएर भइरहेको किचलोका कारण भित्रभित्रै निर्वाचन सार्ने षड्यन्त्र भइरहेको निष्कर्ष निकाल्दै एमालेले निर्वाचनको पूर्णतयारीमा लाग्न सबै कमिटीलाई निर्देशन दिएको छ ।

वरिष्ठ उपाध्यक्ष ईश्वर पोखरेल नेतृत्वको स्थानीय तह निर्वाचन घोषणापत्र मस्यौदा समितिले तयार पारेको निर्वाचन घोषणापत्रको मस्यौदालाई समेत पारित गरेको छ ।

एमालेले ९ वैशाखमा चुनावको घोषणापत्र सार्वजनिक गर्ने तयारी गरिरहेको छ । घोषणापत्रले समेटेको विषयवस्तुबारे पोखरेलले बैठकलाई जानकारी गराएका थिए ।

बैठकले एक सय ७३ सदस्यीय केन्द्रीय सल्लाहकार परिषद् विस्तार गर्दै थप एक सय पाँचजना मनोनीत गरी दुई सय ७८ सदस्यीय पु¥याएको छ ।

बैठकले ९ वैशाखबाट तुल्सीलाल स्मृति प्रतिष्ठानबाट पार्टी केन्द्रीय कार्यालय सञ्चालन गर्ने निर्णय गरेको छ ।