- २२ आश्विन २०८३, बिहीबार / Oct 8, 2026
बुटवल । रुपन्देहीमा कारले स्कुटरलाई ठक्कर दिंदा एक युवतीको मृत्यु भएको छ । रुपन्देहीको धकधइमा २१ वर्षीया झरना चौधरीको दुर्घटनाबाट मृत्यु भएको हो ।
स्कूटीमा सवार उनलाई कारले ठक्कर दिँदा घाइते भएकी थिइन् । गम्भीर घाइते उनलाई उपचारका लागि भीम अस्पताल लगिएको र अस्पतालले मृत घोषणा गरेको प्रहरीले बताएको छ ।
चौधरी एमाले लुम्बिनी सांस्कृतिक नगरपालिका वडा नम्बर ६ की वडा सचिव हुन् । तिलोत्तमा– ३ सिर्जनानगर स्थायी घर भएकी उनी लुम्बिनी बौद्ध विश्वविद्यालयमा स्नातक तहमा अध्ययनरत थिइन् ।
घरमा दशैंको टीका लगाएर नवलपरासीस्थित मामाघर जाँदै गर्दा उनी दुर्घटनामा परेकी हुन् ।
